У межах тыдня роднай мовы «Пералівы роднай мовы» у бібліятэках нашай установы прайшлі мерапрыемствы.

У гарадской біблятэцы № 7 вучні 7 «Б » класа СШ № 11 наведаліся ў куток даўніны «Сакрэты беларускай хаты». Вучні пазнаеміліся з прадметамі побыту беларусаў, захаваўшыміся ад продкаў, з выставай «Пералівы роднай мовы»; даведаліся, што азначаюць словы «абрус», «самапрадка», «рушнікі», «бойка», «збан», «вянок» , «гладыш», «прас» і ўбачылі, як яны выглядаюць.

Карыстальнікі гарадской біблятэцы № 1 прынялі ўдзел у этнакалажы «Сакрэты бабулінага куфара». Калісьці нашы бабулі захоўвалі ў куфары ўсё самае каштоўнае, створанае сваімі працавітымі рукамі: тканыя посцілкі, ручнікі, вышытыя кашулі, абрусы, аздобленыя карункамі падузорнікі. Дарослым і дзецям прапанавалі адказаць на пытанні віктарыны «Як жылі нашы продкі», пагуляць у «Запоўні куфар», «Я назаву, ты пакажы» і «Гавары па-беларуску». За правільныя адказы ўдзельнікі атрымлівалі пялёсткі валошкі, з якіх потым складвалі кветку. Да мерапрыемства была падрыхтавана кніжная выстаўка «Да вытокаў душой дакраніся».

У гарадской біблятэцы № 2 для вучняў 6 «Б» класа быў праведзены турнір знаўцаў «У свеце родных слоў». Акрамя таго, дзеці пазнаеміліся з кніжнай выставай «Святло роднага слова»; прынялі ўдзел у квілт-віктарыне «Слоўнік этнографа».

У цэнтральнай бібліятэцы імя А.С. Пушкіна для вучняў 6 класа СШ № 1 адбыўся турніў знаўцаў «З павагай да роднай мовы». Дзеці разгадвалі загадкі, прымалі ўдзел у конкурсах «Перакладчыкі», «Словаведы», «Закончыце сказы», актыўна адказвалі на пытанні віктарыны «Лепшы знаўца роднай мовы». З цікавасцю вучні знаёміліся з кніжнай серыяй «Беларускія пісьменікі дзецям». Таксама адбылася літаратурна-пазнавальная гульня «Сябруем з роднай мовай», гульня-падарожжа «Ці ведаеш ты сваю мову?» і літаратурны марафон «Роднага слова галасы». Дзеці нагадалі забаўлянкі, песні, лічылкі; чыталі вершы; удзельнічалі у конкурсе “Таямнічая бочка”; пераклалі назвы рэчаў на беларускую мову, адгадвалі загадкі, тлумачылі фразеалагізмы і інш.

У гарадской біблятэцы № 6 імя В.З. Харужай прайшла займальная віктарына «Льецца мова – родная мова», а таксама вясёлая граматыка «Калі ласка запрашаем – тут мы мову вывучаема». Віктарына складалася з заданняў: «Далей, далей», «Самы кемлівы», «Шарады», «Загадкі», «Словаведы», «Крылатая паштоўка», «Веру – не веру», «Творы і аўтары», «Прадоўжы твор», «Шыфроўка» і інш. Падчас вяселай граматыкі ўдзельнікам былі прапанаваны конкурс «Кемлівых», конкурс «Перакладчыкаў», конкурсы «Усявед» і «Папацей грамацей».

У гарадской біблятэцы № 5 прайшла акцыя «Маё любімае слова па-беларуску».

У Крынічанскай сельскай бібліятэцы прайшла віктарына-гульня «Смак беларускай мовы». Удзельнікі знаёміліся з кніжнай выставай «Чытайце беларускае», прымалі ўдзел у конкурсах і гульнях “Загадкі-жарты” і “Хуткамоўкі чытаем разам”, а таксама ў моўным практыкуме “На мове роднай размаўляем”.

У Козенскай сельскай бібліятэцы прайшоў пазнаваўчы час «Зямлі маёй роднае слова». Дзеці пазнаёміліся з гісторыяй свята роднай мовы, у якой адлюстроўваецца старадаўняя мудрасць і душа беларускага народа. Падчас мерапрыемства ўдзельнікі выконвалі заданні: “Загадкі”, “Перакладчыкі”, “Шарады”, “Словаведы”, “Старонкі мінулага і сучаснага”, “Літаратурная крыжаванка”, “Знаўцы беларускага фальклору” і іншыя.

Да Міжнароднага дня роднай мовы і да 75-годдзя беларускага пісьменніка, педагога, даследчыка і грамадскага дзеяча Міхася Пазнякова ў гарадской бібліятэцы № 3 для вучняў СШ № 2 прайшоў літаратурны куфэрак «Залаты ключык духоўнасці». Удзельнікі мерапрыемства пазнаёміліся з біяграфіяй пісьменніка і яго кнігамі, паслухалі верш «Беларусь» і абмеркавалі яго. Прынялі ўдзел у конкурсе «Мастакі», разгадалі крыжаванку «Робат» з кнігі «Гульняслоў», адгадалі загадкі, шарады, метаграмы, анаграмы. Прачыталі скарагаворкі. А да 105-годдзя з дня нараджэння беларускага пісьменніка Івана Мележа для вучняў 10 класса прайшоў літаратурны багаж па творчасці І. Мележа «Тонкі знаўца чалавечай душы». Удзельнікі адказалі на пытанні віктарыны па творчасці пісьменніка, пазнаёміліся з кніжнай выставай «Пясняр палескай душы». Таксама прайшла акцыя «Якія знаёмыя назвы і словы, якая цудоўная родная мова!».

У Бельскай сельскай бібліятэцы прайшла акцыя «Размаўляй са мной па-беларуску!»

У Махнавічскай сельскай бібліятэцы прайшла акцыя «Чытай па-беларуску».

У Каменскай сельскай бібліятэцы праводзіліся гучныя чытанні «Добры дзень, казка беларуская» і бібліятэчны квілт «Цікавыя беларускія словы».