У Козенскай сельскай бібліятэцы да 95-годдзя з дня нараджэння Уладзіміра Караткевіча прайшлі гучныя чытанні «Старая казка».

Дзеці пазнаёміліся з біяграфіяй і творчасцю вядомага беларускага пісьменніка, пасля чаго з вялікім задавальненнем чыталі казкі, якія ўвайшлі ў зборнікі твораў “Лебядзіны скіт”, “Старая казка”.

У гэтых зборніках сабраны творы, якія напісаны ў розныя гады жыцця Караткевіча. Яны павучальныя, упрыгожаны мяккімі лірычнымі адступленнямі і добрым вясёлым гумарам. У сюжетах казак аўтар узносіць мудрасць старэйшых і павагу да іх, асуджае несправядлівасць і прадузятасць.